Vindkraftkonferanse i Førde
01.09.2010
- Dei beste vindkraftprosjekta i Noreg vert sannsynlegvis realisert det komande tiåret, sa administrerande direktør i Vestavind Kraft AS, Stig Svalheim under Vindkraftkonferansen i Førde i dag.
Over 100 deltakarar deltok på Vindkraftkonferansen i Førde som vart arrangert av Fagskulen i Sogn og Fjordane i samarbeid med Vestavind Kraft AS, Vindkraftforum Sogn og Fjordane og Sunnfjord næringsråd.
Stig Svalheim innleia konferansen med å fortelje om Vestavind Kraft, og om planar og utfordringar selskapet har i samband med vindkraftutbygging på Vestlandet. Han understreka at Vestlandet og Sogn og Fjordane har så gode vindforhold at dei beste prosjekta kan kome til å ligge i denne regionen.
Konferansen samla mange spanande foredragshaldarar, mellom andre generalsekretær i NORWEA Øyvind Isachsen, Unni Berge i ZERO, Frank Aarebrot, professor ved UIB og Tore Tomter, fagsjef i Siemens.
Vedlagt følgjer lenke til
presentasjonen som administrarande direktør Stig Svalheim holdt på konferansen.