Vestavind Kraft bidreg saman med BKK Nett og Statnett i FoU prosjekt

SWECO har med seg ei tverrfagleg prosjektgruppe samansett av ressursar frå SWECO og frå tre ulike land: Institute of Physical Energetics i Latvia, Balslev Consulting Engineers i Danmark og Bacher Energy i Sveits.

 

Prosjektet har som formål å fremje utvikling av SmartGrid teknologi i Europeiske land ved å nytte ulike metodar til å identifisere moglegheiter for utbygging av fornybar kraftproduksjon og styring av forbruk (laststyring). Prosjektet vil omfatte relevante case studiar i kvart land.

 

Kostnader ved nettilknyting og  naturinngrep for å realisere ei nettilknyting er i mange vindkraftprosjekt ei utfordring. Utnytting av eksisterande nett og  planlagde nettutbyggingar ved vindkraftutbygging vert spesielt vektlagt  i den norske case studien. Den vil omfatte eit utvalt nettområde til BKK og Statnett med blant anna tanke på å identifisere potensielle vindkraftprosjekt. I tillegg til omsynet til nettkapasitet, vil ein i søk etter moglege vindkraftprosjekt legge til grunn kriteriar som vindressurs, lokale forhold, topografi, kulturminne, verneområde, teknologival og driftskostnadar.

 

Prosjektet startar 1.oktober 2010 og er ferdig hausten 2013. Det er lagt opp til at den norske case studien vil bli ferdig i 2012.

 

Eventuelle spørsmål om prosjektet kan rettast til Håvard Nordvik i Vestavind Kraft eller prosjektleiar Kåre Borgund i SWECO Norge.