Vestavind Kraft kjøper 30 prosent av Haram Kraft

Haram Kraft AS har rettskraftig konsesjon for bygging av inntil 16 vindturbinar og 66 MW vindkraft på Haramsøya på Sunnmøre. Området har særs gode vindforhold.

 

- Prosjektet som er klar for utbygging, ligg i ein region med anstrengd kraftsituasjon, opplyser Stig Svalheim, administrerande direktør i Vestavind Kraft AS og nyvald styreleiar i Haram Kraft AS. Svalheim understrekar at det er naudsynt med økonomisk tilskot for å få lønsemd i utbygginga. Han oppmodar styresmaktene om å øyremerke pengar til vindkraft i Midt-Norge i Nasjonalbudsjettet som skal leggast fram til hausten.

 

Seljaren er Tafjord Kraftproduksjon AS, som er ein av dei sju eigarane i Vestavind Kraft AS. Transaksjonen understrekar at Vestavind Kraft AS vert vårt verkty i vindkraftsatsinga framover, seier direktør Ole Bjørn Alvestad i Tafjord Kraftproduksjon AS.

Haram Kraft AS er eigd av Vardar AS (35 %), E.ON ES Kraftmontasje AS (35 %) og Vestavind Kraft AS (30 %). Selskapet vart oppretta i 2003 med formål å utvikle og bygge ut Haram vindkraftverk i Møre og Romsdal.

Bildet er ein fotomontasje av vindkraftverket på Haramsfjellet.