Ideen om vindkraft i Vanylven lagd på is

Grunneigarane si haldning til å få utgreidd vindkraft i Vanylven kommune har vore førande for konklusjonen selskapa no har kome fram til. Trass i eit positivt engasjement både hjå kommunen og mange grunneigarar, har det i enkelte deler av område vore stor grunneigarmotstand mot planane.

 

- Vi ynskjer å spele på lag med lokalsamfunnet, og vil ikkje skape splid mellom grunneigarane, seier administrerande direktør i Vestavind Kraft, Stig Svalheim.

 

Områda Nystøylhornet, Sandviknakken, Myklebustheida og Nordstranda er framleis interessante sett med vindkraftauge. Dersom det i framtida ligg føre eit betre grunnlag for å utgreie prosjekta, vil det vere aktuelt for selskapa å ta opp att planane.