Positive grunneigarar
24.02.2010
Nordstranda grunneigarlag i Vanylven er positive til vidare arbeid med planane om ein vindpark i kommunen.
Grunneigarlaget har med 15 mot 7 røyster gjeve styret fullmakt til å framforhandle avtale om vindmåling på Myklebustheida. Myklebustheida er ein stor del av området som vert vurdert for utbygging av inntil 35 vindturbinar.
Det er i første omgang planar om å setje opp ei eller fleire vindmålemaster for å måle vindstyrken i området og få sendt melding til NVE i løpet av våren, seier prosjektleiar i Vestavind Kraft, Astrid Håvik. Utgreiingsarbeidet er i ein svært tidleg fase, og før ei eventuell utbygging vil det bli fleire høyringar og folkemøte.
Tilbake