Grunneigarmøte om vindkraft i Vanylven
22.01.2010
Onsdag 20. januar arrangerte Vestavind Kraft, Zephyr og Tussa Kraft grunneigarmøte i Vanylven på Sunnmøre.
Â
Møtet vart halde for å informere om planane for å byggje ein vindpark med inntil 35 vindturbinar på Hovda i Vanylven. På oppdrag frå kommunen har dei tre selskapa det siste halve året sett på moglegheitene for vindkraft i heile kommunen, men har kome fram til at planane som omfattar Nystøylhornet, Sandviknakken og Myklebusttheida på Hovdahalvøya er mest lovande.
Arbeidet er framleis heilt i startfasen, men selskapa håpar å få sett opp ei eller fleire målemaster for å måle vindstyrken i området, og få sendt melding til NVE i løpet av våren om at planlegginga er starta. Før ei eventuell utbygging vert aktuell, vil det bli fleire folkemøte og høyringar.
- Oppmøtet på Fiskå ungdomshus var bra, fortel prosjektleiar i Vestavind Kraft, Astrid Håvik. Meir enn 50 grunneigarar hadde funne vegen, og det var mange spørsmål og kommentarar til planane.
Om anlegget på Hovda/Åramshalvøya vert fullt utbygd, vil det produsere 200 GWh, det vil seie nok straum til å forsyne 10 000 husstandar.
Tilbake