Leiarskifte i Vestavind Kraft

Stig Svalheim (36) overtek som konstituert administrerande direktør frå 1. januar 2010. Svalheim har sidan juli 2009 jobba med forretningsutvikling i Vestavind Kraft og var før det avdelingsleiar for offshore vindkraft i Lyse Energi.

Håkon Sandvik, som fylte 65 år i 2009, ønskjer å bruke meir av tida på prosjektarbeid og har difor valt å gå over i jobben som rådgjevar i selskapet.

- Håkon Sandvik har bygd opp Vestavind Kraft og vi er svært takksame for innsatsen han har lagt ned desse åra han har vore dagleg leiar. Vi har elles stor forståing for at han no ynskjer å tre til sides, men er svært glade for at han blir med i organisasjonen også framover, seier Ole Bjørn Alvestad, styreleiar i Vestavind Kraft.

Vestavind Kraft vart oppretta i 2005 for å utvikle, bygge og drive vindkraftanlegg. Bak Vestavind Kraft står energiselskapa i Vestlandsalliansen, representert ved Tafjord Kraftproduksjon AS, SFE Produksjon AS, Sunnfjord Energi AS, Sognekraft AS, BKK Produksjon AS, SKL Produksjon AS og Haugaland Kraft AS.

Kontaktperson: Ole Bjørn Alvestad, styreleiar i Vestavind Kraft AS.

Tlf: 70 10 07 40. Mobil: 907 33 755.